حول مقتل قس مسيحي في بولونيا - للنقاش

عدد المساهمات : 218 تاريخ التسجيل : 02/11/2010

نشرت إحدى الصفحات على الفيسبوك النص التالي

حول مقتل قس مسيحي في بولونيا - للنقاش 185749_187393377966556_112166148822613_439997_4317850_n

1- باي حق وزارة الداخلية تصدر بيانا تندد فيه بهذا العمل الارهابي
وبالجماعات المتطرفة اللي قتلت القس هذا ياخي منين تعرف الداخلية اللي فمة
متطرفين و ارهابيين قامو بقتل القس اللهم اذا كانو يعلمو بالجريمة قبل وقوعها

م...اهو لازم يصير تحقيق في الاول و نشوفو بالك الحادثة عادية كيما صارت مع برشة
توانسة تعرضو للبراكاج والقتل خلال هذه الفترة من عدم الاستقرار الامني في
البلاد...يعني يمكن تكون عصابة تونسية غير متطرفة حبو يسرقو المدرسة اللي
يخدم فيها القس و ما يعرفوش اللي هو قس اصلا ولما حاولو يسرقولو دارو
اتصدالهم ياخي قتلوه وهربو = يعني الحكاية الكل حادثة عادية وليس لها اي
دخل في التطرف او الارهاب كما تدعي هذه الوزارة

انا هنا نلوم على وزارة الداخلية لتسرعها في هذا البيان اللي هبطتو واللي يبين انو الوزارة
هاذي عندها موقف قديم و متجدد من المتطرفين والارهابيين ( الاسلاميين )
والدليل انها بسرعة اصدرت بيان متاع ادانة من قبل ان تفتح اي تحقيق =
بصراحة انا هنا وليت نشك في وزارة الداخلية بيدها خاطر التصرفات متاعها
تجعلها محل شبهات ولا يستبعد ان تكون الداخلية نفسها مورطة في هذه القضية
وموش على خاطر فرحنا بسي فرحات الراجحي وحبيناه وقدرناه باش ناخذو كلام
الوزارة متاعو كقران منزل غير قادر للتاويل والتشكيك

فمة حاجة اخرى هامة برشة زادة وهي انو وزير الخارجية البولوني يقول إن الجريمة هي عمل فردي والدليل هنا
http://www.la-croix.com/afp.static/pages/110218202506.oph6bp1e.htm

و الوزارة متاعنا تقول أن العمل إرهابي وراءه متطرفون !! والاكيد انو
التوانسة ليسو بالاغبياء او السذج حتى ينطلي عليهم مثل هذا الكلام بكل بساطة

2- شكون اللي قال اللي فمة قس قتلوه اصلا وعلاش ما
اعطيتوناش تصويرتو والا فيديو مصور باش نشوفوه بعينينا وهو مقتول وعلاش ما
تكونش الحكاية الكل مدبرة ومفتعلة وما فمة حتى قس اتقتل اما القصة مفبركة
لاهداف سياسية دنيئة

3- كان برسمي القس هذا قتلوه فما برشة احتمالات نجمو انخممو فيها وقتها قبل ما نتهمو اي جهة من الجهات او طرف من الاطراف

3-1
ممكن تكون لاسرائيل والموساد يد في الحكاية هاذي وذلك حتى تثبت للعالم ان
تونس في طريقها الى التطرف والارهاب ويجب ان تضغط القوى الكبرى في العالم
وعلى راسهم امريكا على الحكومة التونسية و في الاخير ومالاخر ما يرتاحو كان
كيف ينصبولنا بن علي اخر والمهمة متاعو تكمن في التصدي للارهابيين
والمتطرفين كيما كان يعمل بالضبط سي بن علي وهكة باش نرجعو لحكم
الديكتاتورية من جديد
والهدق من هذا الكل هو عدم وصول الاسلاميين للحكم
في تونس لكي لا تهدد المصالح الاسرائلية في تونس وحتى لا تخسر اسرائيل
تونس كحليف استراتيجي هام داخل المغرب العربي وممكن برشة الحكاية هاذي
متاع الجرائم ضد الاديان الاخرى باش تصير في الشقيقة مصر زادة في الايام
القليلة القادمة باش يقنعو العالم انو لا يجب على الاخوان المسلمون ان
يستحوذو على الحكم في مصر لانهم متطرفون وارهابيون
وهذا الكل طبعا من تدبير بني صهيون خاطرهم فالحين كان في نشر الفتن داخل البلدان العربية لقضاء مصالحهم السياسية والاستراتيجية

3-2
ممكن تكون للتجمع يد بغية ادخال البلاد في دوامة من الشك والخوف والهلع
والهدف من ذلك اقناع التونسي انو الوحيد اللي ينجم يقضي على هالمتطرفين
والارهابيين هو بن علي وان رحل بن علي فهناك البديل له...من هو هذا البديل=
البديل هو التجمع الدستوري الديمقراطي لازم التوانسة يعطيو فيه الثقة من
جديد لانه الوحيد القادر على القضاء على هؤلاء الارهابيين وهو له خبرة
كبيرة في التعامل معهم والقضاء عليهم لذا لازمنا نعطيوهم ثقتنا من جديد وهم
سوف ينصبون لنا بن علي اخر حتى يحكمنا من جديد

3-3 ممكن تكون هناك
يد لليلى الطرابلسي في الموضوع كلنا نعرفو اللي هي موجودة الان في ليبيا
صحبة صديقها العزيز القذافي اللي قاعد يعاون فيها بكل ما يقدر وما ننساوش
اللي على الحدود التونسية الليبية تم ضبط سيارة فيها سلاح من قبل الجيش
التونسي
ليلى الطرابلسي عندها مصالح في هذه الجريمة ان ثبتت
والبغية من ذلك هو ضرب السياحة التونسية فهذه الحادثة سوف تخوف السياحمن المجيئ
الى تونس بلد الامن والامان وهكة باش توليلنا مشكلة كبيرة في السياحة و
صورة تونس الامن والاستقرار باش تتضر في العالم و باش يتزادو البطالة في
البلاد والهدف من كل هذا هو الحنين لحكم لبن علي الفاعل وندمنا على ما
اقترفناه بعائلة الطرابلسي التي لا تقهر

3-4 الحادثة هاذي اتزامنت
مع قدوم السفير الفرنسي اللي كان في العراق الى تونس والسفير هذا الماضي
متاعو اسود وكلنا نعرفوه شنوة عمل في العراق و في تونس المهمة متاعو محددة
جيدا و ساركوزي ما بعثوش لتونس للسياحة وانما لاهداف سياسية خطيرة

3-5
ممكن تكون هناك يد للحكومة المؤقتة بالتعاون مع امريكا و اسرائيل حتى تكسب
ثقة التونسيين اكثر وحتى يوكلها التوانسة باش يقضيو عالجماعات الارهابية و
من ثم القضاء على الثورة والالتفاف حولها والرضاء بالامر الواقع واخيرا
الاعتراف بهذه الحكومة حتى تواصل مشوارها بكل سهولة

4- اخيرا انا شخصيا ما عنديش شكوك في حتة جماعة متطرفة مثل حزب التحرير اللي كثر
الحديث عنه هذه الايام واللي الاعلام التونسي يصورلنا فيه كحزب متطرف
وارهابي وهو خطر على تونس و كنا بينالكم انو ال فمة اطراف تجمعية مدسوسة
داخل هذا الحزب خرجت تصور في روحها وهي تتظاهر امام كنيسة اليهود وكلها
هازة نفس الاعلام متاع التوحيد

علاش ما نشكش انو فمة جماعات
اسلامية متشددة عملت الشيئ هذا خاطر اللي عينو في التطرف و الارهاب كان
ينجم يعملو وقت القبضة الحديدية متاع بن علي موش توة وقت اللي تنفسنا
الحرية وارتحنا من بن علي و جماعتو وحاجة اخرى مهما كان تطرف التونسي فهو
لا يمكن ان يقتل نفسا بشرية و التاريخ يثبت ذلك فكيف اليوم و الشعب التونسي
و المتدينين و غيرهم عرفو معنى الحرية واصبحو يمارسون شعائرهم الدينية بكل
حرية ومن دون اي ضغط او قمع

حاجة اخرى اللي يقولو عليهم متطرفين
وارهابيين مهما كان انتمائهم الحزبي هم اكثر ناس محتاجين في الوقت الراهن و
السنوات القادمة ان يثبتو عدم صحة هذه الاتهامات للتوانسة و يثبتو كذلك
انهم ليسو بالمتطرفين او الارهابيين كما يدعي الكثير في تونس فهل هم بمثل
هذا الغباء حتى يقومو بهذه الجريمة الغبية في هذا الوقت الحساس
بالذت...راهي تونس كاملة تراقب في افعالهم وفي اقوالهم وما نضنش انهم بمثل
هذا الغباء حتى يقومو بعملية اجرامية مثل هذه في هذه الايام الحساسة

يعني بلغة اخرى اذا ثبت انهم هوما اللي قامو بهالحكاية كانهم يقولو بصوت عالي
يا توانسة رانا ارهابيين و متطرفين و باش نقتلوكم الكل ههههه ايجاو اقضيو
علينا وحطونا في الحبوسات باش تعيشو في امان....هههه هل هذا معقول بربي

5- اذن فمة العديد من الاطراف داخل دائرة الاتهام والشك بما فيهم وزارة الداخلية
نفسها لذا قبل ما نتهمو اي طرف لازمنا نحققو في الجريمة هاذي ان ثبت القيام بها اصلا

كيما قلتلكم اعزائي الكرام هاذي شكوك شخصية تدور داخل
راسي حبيت اناقشها معاكم وكان فمة شكون معايا في الشكوك هاذي مرحبا بيه
وكان فمة شكون ضدي مرحبا بيه زادة المهم اي انسان يقول كلام لازم كلامو
يكون مدعم بادلة واضحة موش نتهمو العباد بالباطل كيما يظهرلنا او كيما يحبو
يقنعونا و للحديث بقية

مع الشكر

فما رأيكم

بسم الله الرحمان الرحيم

اقتباس :: 1- باي حق وزارة الداخلية تصدر بيانا تندد فيه بهذا العمل الارهابي
وبالجماعات المتطرفة اللي قتلت القس هذا ياخي منين تعرف الداخلية اللي فمة
متطرفين و ارهابيين قامو بقتل القس اللهم اذا كانو يعلمو بالجريمة قبل وقوعها

عفوا أخي
الجواب ليس معقد كثيرا
هي تعرف لأنها وزارة الداخلية و وزارة الداخلية لا تتكلم عن هوا
اما وزير الخارجية البولوني الذي استشهد به فيقول

اقتباس :: "Nous n'excluons pas cependant que l'assassinat ait pu être commis pour des raisons religieuses", a-t-il ajouté.

يا حضرة الأخ الإسلام دين تسامح

حول مقتل قس مسيحي في بولونيا - للنقاش 866662

أخ أبو داني

» الطلاق : موضوع للنقاش
» يفية مقتل أسامة بن لادن
» مقتل جنديين أمريكيين في مطار فرانكفورت
» عرب تايمز - خاص : مقتل الزعيم معمر القذافي
» بيان حركة النهضة حول مقتل أحد القساوسة بتونس